قسم او بیته قسم او عشقه که کعبه سن سیزصفاسی اولماز قسـم او جانه هوای جنّت سنون او صحنون هواسی اولماز . رضا رضا جان شاه خراسان خجسته میلاد مبارک اولسون . . اوگوزکه گوردی رواق و صحنون دگر او رغبت بهشته ایتمز سنی سُون لر امام بولن لر اولاندا محشر بکاسی اولماز . . سن عرش و فرشه سراج حقسن که اولدی باعث اولا بو خلقت سپهرو ماه وستاره سن سیز فروغ و نور و ضیا سی اولماز . . امید آدم پناه عالم ایدن عنایت گدا و شاهه او بارگاهون کیمی جهاندا سرای و باب رجاسی اولماز . . سنون او دور طواف قبرون فزوندی حجّ خدا اویندن ایدوبدی واجب اطاعت ایتسون سنه کیم ایتمز ولاسی اولماز . . تاپوبدی عزّت بو ملک ایران سنیله اقدس اولوب خراسان گوزل رواقه گوزل ضریحه فداایدن جان خطاسی اولماز . . تمام دریا اولا مرکب قلم آغاجلا یازا قوتولماز صفات پاکون بیانه گلمز یازولساگرانتهاسی اولماز . . او شاه سن سن سنه محبّت کلید باب و دَرِ جناندی قسم او جانه اولوبدی مغبون او دل کی نام رضاسی اولماز . . مریض عشقون بیری گر اولسا غم ایتمزآخر طبیبی اولسان قسم او جانه هوای وصلون کیمی او شخصین دواسی اولماز . . غنی فقیرون مریض علیلون شفاسی سنده دواسی سنده اسیرعشقون بو(عدلیه) باخ گیچوبدی عمری قواسی اولماز