ای ناز الین سینه ی پیغمبر زهرا
بند دل طاها
دیدارمیزه قویدو فلک محشره زهرا
یانسین بله دونیا
خانم خانم مهربان خانم گوزلریوه قربان
دعا اله منده تز الوم آی دلیوه قربان
دنیا سنیلن ترسه مدار اوسته دولانده
ظلمنده دایانده
خیر گورمسن ای دشمنیون حق ودانده
نه مندن اوتانده
اوت ویرده عدو درگه اجلالیوه یانده
سینه یارالانده
توش ایتده گوزل دامنیوه آذره زهرا
یانسن بله دونیا
سن همتیلن دوقوز ایل اولدون منه غمخوار
ای یار وفادار
چنقال ستم ایتده سنه درده گرفتار
دل خسته و بیمار
چکده شررن هجریله چوخ سینمه داغلار
قویدون منه آغلار
آیدن سحرین دونده منه محشره دونیا
یانسین بله دونیا
ظلم اهل سالب خرمن آمالیوه ناله
قوزانده شراره
ناکس سنه ویریدخچا علی ایتده نظاره
باخ صبر و قراره
نسکل بیده قویدوم سنه گیزلینده مزاره
پهلولره یاره
باخدم نگران تز یومولان گوزلره زهرا
یانسن بله دونیا
قویدو سنه دونیاده خوش گونه حسرت
یات قبریده راحت
عفو ایله منه ساخلامادم یاخچه امانت
وار منده خجالت
باغلار سینوین یاراسینه ختم رسالت
ای لاله ی جنت
خالق یترر قاتلیوه کیفره زهرا
یانسین بله دونیا
