طر الفجر

محمد الجنامی

امام حسین (علیه‌السلام)

... طر الفجر ...

طر الفجر یافجر گلب الیحب ماینام

شاعر یصیر الدمع لمن یموت الکلام

ما استحق صحبتک یکفینی ردّ السلام

یکفینی ردّ السلام

انی اصغر من احبک وانتَ اکبر من حبیب

وانتَ اکبر من قضیة تنتهی قبل المغیب

هیه کلها الدنیا ملکک لکن انگـلک غریب

یلی ساترنا بثیابک والثمن جسمک سلیب

تظل عالی بأمر ربک .. تعالى

یساکن روحی واندهلک .. تعالى

لون مو راسک مو برمحک .. تعالى

فلا راسی اترتفع یبن الزچیه

فلا راسی ارتفع یبن الزچیه

لو نفترض ماتحب مایبقى للحب مکان

لو ماصدر ینسحگ مات بصدرنا الحنان

لوماتطیح الخیم مایبقى مسجد حرام

مایبقى مسجد حرام

.............................

والله لو ماتحنی ظهرک یم الکفیل

ماتظل الخوه خوه والهجر هوَ البدیل

علمتنا الباع دینه یرخص وعایش ذلیل

والتعیش براسه غیرة مایساوم مستحیل

وحگ الـ بالخیم چانت .. ترابک

عرفت عیونی من تعمى .. ترى بک

لون مایرتوی من دمک .. ترابک

فلا تسجد علیه الرافضیه

فلا تسجد علیه الرافضیه

نمنا بأمان ورغد یالنایم اعلى التراب

لو ماحبال السبی یبقى الحبل بالرگاب

لنک حنین وترف یلتم علیک الحمام

یلتم علیک الحمام

.............................

علمتنا الینصر الحق ینولد یوم الممات

والله لو مایحچی نحرک یرتفع صوت الطغاة

بالوزن ادری اضفرک اثگل من الکائنات

من نقیسه ابمای وجهک قطرة میصیر الفرات

چبیر وکلشی یصغرلک .. کفالک

یضیع الکون من یمتد .. کفالک

عجیبه اتمددت والطف .. کفالک

ورمش عینک غطه لهای الوطیه

ورمش عینک غطه لهای الوطیه

ینزف رضیعک لجل یبقى العطر بالورود

لو شفنا بیرغ یرف صحنا الفخر للزنود

من مصرعک للنهر تمتد جروح الخیام

تمتد جروح الخیام

.............................

لوطحت چا کلشی طایح بس طحت للارتفاع

انتَ یا اوسع سفینة وچف ابوفاضل شراع

خنصر ایدک کونه ضایع یعنی ضعنا وکلشی ضاع

والله لو ماتزئر انتَ نخضع لحکم الضباع

وحق الـ عالنهر طاحت .. یساره

ترى ابزودک کلایفنه .. یساره

لون ماراحن الخدر .. یساره

فلا صار الشرف عدنا هویه

فلا صار الشرف عدنا هویه

لوما وجودک ابد ماتنوجد کربلاء

صوب جبهتک حجر صار ابگصصنه الحیاء

گالو وجع للخیم وانتَ ارجعت للأمام

وانتَ ارجعت للأمام

... طر الفجر ...

مداحی طر الفجر با صدای محمد الجنامی ویژه امام حسین (علیه‌السلام)